Ditën e sotme raportohet një tjetër rast ngacmimi seksual. Në Kamëz njoftohet se një 43-vjeçar me inicialet J.D, ka ngacmuar seksualisht vajzën e tij të mitur. Dyshohet se babai ka kryer këto veprime të turpshme ndaj të bijës e cila është në moshë të vogël.
Mësohet se e mitura i ka rrëfyer psikologes rreth problemit të saj, pasi ajo ishte interesuar për shkak të sjelljeve që kishte ndryshuar vajza. Sjellja e saj kishte rënë në sy dhe te stafit të shkollës dhe psikologes, ç’ka ka nxitur interesin për të zbuluar se çfarë i ka ndodhur. Policia bëri të mundur arrestimin e abuzuesit dhe dërgimin e tij në komisariat. Pritet që në orët në vijim të mësohen më shumë detaje për këtë ngjarje tronditëse.
NJOFTIMI I POLICISË:
Specialistët për Hetimin e Krimeve në Komisariatin e Policisë Nr. 5 bënë ndalimin e shtetasit J. D., 43 vjeç, pasi dyshohet se ka ngacmuar seksualisht vajzën e tij të mitur.
43-vjeçari me inicialet J.D, tashmë është vënë në pranga pas denoncimit për ngacmim seksual ndaj vajzës së tij të mitur.
Kujtojmë se po në Kamëz, vetëm disa javë më parë, një 27 vjeçar dhunoi mizorisht vajzën e tij 6 vjeçare e cila përfundoi në spital me dëmtime të mëdha.
