Një ngjarje e rëndë ka ndodhur ditën e sotme në Greqi ku një e moshuar rreth 73 vjeçe ka mbytur në mënyrë ‘barbare’ të motrën e saj.
E moshuara greke është arrestuar nga autoritetet e policë pasi dyshohet se ka mbytur të motrën me rripin e çantës së saj.
Raportohet se autorja është një 73-vjeçare, ndërsa viktima rreth 2 vite më e madhe. Dyshohet paraprakisht se e moshuara që kreu krimin vuante nga problemet e shëndetit mendor, por nuk dihen ende rrethanat e vërteta të ngjarjes së ndodhur.
Sipas informacioneve dy motrat fillimisht janë konfliktuar mes njëra-tjetrën dhe më pas kjo mund të jetë bërë shkak për ngjarjen fatale duke rezultuar me mbytjen e së motrës.
Kjo dëshmohet nga fqinjët, të cilët thonë se kanë dëgjuar zhurma të shumta, pasi ishin të pranishëm në ambientet pranë shtëpisë ku kishte ndodhur dhe vepra e rëndë.
Ishin pikërisht fqinjët ata që kanë lajmëruar autoritetet për këtë ngjarje.
Ka raste të shumta të konflikteve brenda familjeve të cilat përfunojnë me vrasje dhe plagosje. I tillë ka qenë dhe rasti i ndodhur ditën e sotme në shtetin grek, ku për pasojë humbi jetën një person.
Policia e shtetit grek së bashku me prokurorinë po vazhdojnë me zbardhjen e plotë të ngjarjes për të kuptuar dhe motivet e vërteta se përse ka arritur të ndodhë kjo ngjarje e rëndë.
