Një ngjarje e rëndë ka ndodhur pasditen e sotme në qytetin e Fierit, ku një 47-vjeçar i ka dhënë fund jetës. Sipas burimeve zyrtare, ngjarja e rëndë ka ndodhur rreth orës 15:10, në lagjen “Kongresi i Përmetit”, ku shtetasi Arjan Asllani, 47 vjeç, banues në Fier, dyshohet se është vetëvrarë me armë zjarri pistoletë në dyqanin e tij souvenir. “Sot rreth orës 15:10, në lagjen “Kongresi i Përmetit”, Fier, shtetasi A. A., 47 vjeç, banues në Fier, dyshohet se është vetëvrarë me armë zjarri pistoletë në dyqanin e tij suvenir.”, njoftimi i policisë.
Burime bëjnë me dije se viktima nuk ka qenë njeri problematik dhe se nuk ka pasur konflikte. Gjithashtu mësohet se 47-vjeçari ka qenë vetëm në dyqanin e tij në momentin që ka kryer aktin ekstrem. Mësohet se do të merren kamerat e sigurisë për të parë edhe lëvizjet që ka bërë 47-vjeçari. Në vendine ngjarjes ka mbërritur grupi hetimor i cili po punon për zbardhjen e plotë të rrethanave të ngjarjes së rëndë.
Njoftimi i plotë i policisë:
Sot rreth orës 15:10, në lagjen “Kongresi i Përmetit”, Fier, shtetasi A. A., 47 vjeç, banues në Fier, dyshohet se është vetëvrarë me armë zjarri pistoletë në dyqanin e tij suvenir.
Grupi hetimor ndodhet në vendngjarje dhe po punon për zbardhjen e plotë të kësaj ngjarje.
