Një tjetër ngjarje e rëndë ka ndodhur në qytetin e Durrësit ditën e sotme.
Akoma s’kanë kaluar 24 orë nga ngjarja ku 39-vjeçari Armando Baboci mbeti i vrarë, ndërsa i biri u plagos, dhe në Urgjencën e Spitalit Durrës një i plagosur me thikë por për shkak të plagêve të marra ka ndërruar jetë.
Mësohet se rreth orës 15:55 në Durrës ka ndodhur një vrasje me thikë. Viktima është identifikuar si Idajet Dulla, 34 vjeç. Ai është gjetur i vrarë pranë shinave të trenit në zonën e Plepave në Durrës. Mësohet se i riu është qëlluar me thikë në zemër dhe bark, ndërkohë që rrethanat e ngjarjes nuk dihen ende.
Policia e Durrësit dhe grupi hetimor kanë shkuar në vendin e ngjarjes dhe po punojnë për zbardhjen e plotë të rrethanave të ngjarjes dhe mësohet se janë ngritur pika kontrolli në akset kryesore të qytetit në mënyrë që autorët të identifikohen dhe arrestohen.
Njoftimi i policisë:
Më datë 19.09.2020, rreth orës 15:55, në Urgjencën e Spitalit Durrës ka mbërritur i dëmtuar me mjet prerës (thikë,), shtetasi I.D., 34 vjeç, banues në Durrës, i cili si pasojë i plagëve të marra, ka ndërruar jetë. Grupi hetimor ndodhet në vendngjarje dhe po punon për zbardhjen e ngjarjes.
