Një ngjarje tragjike ka ndodhur në fshatin Tërnovë e Vogël, në Bulqizë, ku 36-vjeçari me inicialet V.K. është vrarë me armë gjahu. Pas plagëve të marra, ai ka ndërruar jetë gjatë transportimit me helikopter në spital.
Policia ka shoqëruar autorin e dyshuar, 34-vjeçarin F.K., i cili rezulton të jetë i afërm i viktimës. Grupi hetimor, nën drejtimin e Prokurorisë, ka nisur veprimet për të sqaruar dhe dokumentuar ngjarjen.
Ngjarja ka ndodhur më 16 janar 2025, rreth orës 12:00, në pyllin e fshatit Tërnovë e Vogël. Policia ka njoftuar se autorit i janë marrë veprime të mëtejshme, ndërkohë që hetimet po vazhdojnë për të zbardhur plotësisht ngjarjen.
