Një ngjarje e rëndë ka ndodhur ditën e sotme në azilin e të moshuarve në Tiranë. Mësohet se një 78-vjeçar me emrin Zyhdi Shehu ka goditur disa herë me bastun shokun e tij të dhomës, duke i shkaktuar vdekjen e menjëhershme.
Gjithashtu mësohet se viktimë është një 82-vjeçar. Ndërkohë policia ka vën në pranga menjëherë 78-vjeçarin.
NJOFTIMI:
Specialistët e Sektorit për Hetimin e Krimeve të Rënda në DVP Tiranë në bashkëpunim me Komisariatin e Policisë Nr. 1, arrestuan në flagrancë shtetasin Z. Sh., 78 vjeç, banues në një azil privat për të moshuarit, për veprën penale Vrasja me dashje parashikuar nga neni 76 i Kodit Penal.
Ky shtetas dyshohet se, sot më datë 08.08.2024, rreth orëve të para të mëngjesit, për motive të dobëta, ka goditur disa herë me anë të një bastuni (shkop hekuri), shokun e tij të dhomës, shtetasin 82 vjeç, i cili si pasojë e dëmtimeve të marra ka humbur jetën.
