Mbrëmjen e sotme një tjetër aksident është shënuar pak minuta më parë në autostradën Tiranë-Durrës ku një makinë ‘Audo A8 L’ është kthyer përmbys.
Sipas informacioneve paraprake mësohet se nuk ka të lënduar dhe dyshohet se është përplasur me një mjet tjetër që po lëvizte me shpejtësi.
Policia ndodhet në vendngjarje për të hetuar shkaqet dhe rrethanat e aksidentit.
Ky është aksidenti i dytë që ka ndodhur brenda ditës së sotme ku gjatë paradites në rrugën e Kavajë mjeti i drejtuar nga Ajas Sulejmani ka përplasur çiftin Ikonomi dhe foshnjen e tyre 3-muajsh teksa po kalonin te vijat e bardha.
Gjithashtu nga shtimi i aksidenteve Policia e Shtetit po ushtron kontrolle në të gjitha rrugët e Tiranës mbrëmjen e kësaj të diele.
Kontrollet vetëm pak orë pas aksidentit të rëndë në “Rrugën e Kavajës” ku u plagosën 3 persona dhe shoferi rezultoi nën përdorimin e drogës.
Punonjësit e Policisë të shpërndarë në zona të ndryshme të kryeqytetIt për kapjen e personave në kërkim, të atyre që lëvizin me armë, apo që mund të jenë me rrezikshmëri shoqerore.
Të pranishëm dhe forca të shumta të Policisë Rrugore me fokus kryesor evidentimin e shoferevë që drejtojnë automjetin të dehur apo nën efëktin e narkotikëve.
