Një 20-vjeçare është gjetur e pajetë në tarracën e katit të shtatë të një banese në rrugën “Ali Pashë Tepelena” në Pejë.
Shkodran Nikçi, zëdhënës i Prokurorisë Themelore në Pejë, ka konfirmuar për gazetën “Express”, se B.L. dyshohet se është vetëvrarë.
Menjëherë drejt vendngjarjes është nisur një grup hetimor, i cili ka nisur punën për zbardhjen e rrethanave.
Ekipi mjekësor pas këqyrjes paraprake, ka konstatuar se 20-vjeçarja kishte ndërruar jetë.
Ndërkohë trupi i të resë është dërguar në Institutin e Mjekësisë Ligjore, ku do t’i nënshtrohet edhe ekspertizës.
Në komunikatën e ekipit mjekësor, thuhet se 20-vjeçarja kishte ndërruar jetë në vendin e ngjarjes.
