Dita e sotme mund të cilësohet si e premtja e zezë për sa i përket rasteve të aksidenteve rrugore. Policia sapo ka njoftuara për një aksident të ndodhur në fshatin Gocaj të Lezhës ku një automjet ka përplasur një motor. Nga përplasja ka mbetur i plagosur drejtuesi i motorit N.M, që është transportuar me dëmtime trupore në spital. Nga ana tjetër është shoqëruar drejtuesi i automjetit, S.V.
“Në aksin rrugor Lezhë-Shkodër, në fshatin Gocaj ,mjeti tip” Benz” me drejtues shtetasin S.V.,është përplasur me çiklomotorin me drejtues shtetasin N.M.,i cili ka marrë dëmtime dhe është transportuar në spitalin Rajonal Lezhë.
Drejtuesi i mjetit tip “Benz ” shtetasi S.V., është shoqëruar në Komisariatin e Policisë Lezhë, për veprime të mëtejshme.”, ka njoftuar Policia.
Një tjetër aksident i rëndë ka ndodhur në zonën e Laknasit, ku një grua, e cila po drejtojnte mjetin e saj ka përplasur me makinë një 75-vjeçar.
“Më datë 30.04.2021, rreth orës 14:10, në rrugën e Rinasit, tek kthesa e Laknasit, mjeti me drejtuese shtetasen G. S., 46 vjeçe, ka aksidentuar këmbësorin shtetasin M. H., 75 vjeç, i cili ndodhet në spital, në gjendje të rëndë shëndetësorë. Grupi hetimor vijon punën për zbardhjen e rrethanave të aksidentit”, thuhet në njoftimin paraprak të Policisë.”, ka njoftuar Policia.
Aksident i rëndë ka ndodhur edhe në Tiranë në orët e para të mëngjesit në zonën e “21 Dhjetorit”, ku është aksidentur teksa po kalonte vijat e bardha një 22 vjeçare.
“Ndërkohë që në Tiranë u regjistrua më parë edhe një aksident tjetër te “21 Dhjetori”, ku mjeti me drejtues shtetasin D. M., ka aksidentuar këmbësoren shtetasen B. M., 22 vjeçe, e cila ndodhet në spital, nën kujdesin e mjekëve.”, ka njoftuar Policia e Shtetit.
Ditën e sotme janë shënuar katër aksidente, ku fatkeqësisht u shoqërua me vdekje. Aksidenti ndodhi në Fier dhe ku policia njoftoi paraprakisht se “Sot rreth orës 13:45, në fshatin Zharrëz, Patos, shtetasi E. S., 33 vjeç, banues në Patos, duke drejtuar automjetin tip “Opel” është përplasur me një motomjet me drejtues shtetasin A. H., rreth 50 vjeç, banues në fshatin Zharrëz”.
