Covid-19 e ka bërë të pazakontë dhe shume ndryshe cermoninë e dekretimit të kryeministrit të ri në Çeki. Presidenti çek Milos Zeman, i cili rezulton të jetë me koronavirus ka dekretuar brenda një kutie xhami kryeministrin Petr Fiala,.
Milos Zeman përshëndeti Petr Fiala gjatë ceremonisë zyrtare në rezidencën e tij në Pragë.
77-vjeçari ishte i ulur në një karrige me rrota dhe i shoqëruar nga një mjek i veshur tërësisht me pajisje mbrojtëse, pasi u sëmur me Covid gjatë një qëndrimi prej gjashtë javësh në reanimacion.
Qeverisë së re do t’i duhet të përballet me një valë të re koronavirusi që rrezikon të fusë në kolaps spitalet si dhe me një krizë energjetike.
Kujtojmë që Republika Çeke raportoi të mërkurën 22,479 raste të reja me koronavirus, shifra më e lartë ditore në këtë vend që nga fillimi i pandemisë, pranverën e vitit të kaluar.
Të dhënat e publikuara nga Ministria e Shëndetësisë paraqesin rritje për 54 për qind, krahasuar me një javë më parë.
Aktualisht, rreth 57 për qind e qytetarëve çekë janë plotësisht të vaksinuar.
Njerëzit duhet të veshin maska në ambiente të mbyllura dhe transport publik.
Ata duhet të tregojnë certifikata vaksinimi ose teste negative për koronavirus, për të hyrë në restorante dhe bare.
Autoritetet, deri më tash, u kanë rezistuar rregullave më shtrënguese.
Numri i pacientëve në spitalet çeke aktualisht është 4,425 – më pak se gjysma e nivelit rekord të shënuar në mars.
Shkalla e infeksionit është në rritje edhe në vendet fqinje të Çekisë: Austri, Gjermani e Sllovaki.
