Shkrihet plotësisht partia “Fryma Demokratike” e Bamir Topit. Pas vendimit të ish-presidentit Bamir Topi për t’u larguar nga posti i Frymës së Re, 18 anëtarë të degës së FRD në Tiranë kanë dhënë dorëheqjen.
Menjëherë pas marrëveshjes që Sali Shehu firmosi me Lulzim Bashën për të bashkëpunuar për zgjedhjet e 25 prillit pa marrë më parë miratimin e strukturave të partisë, dorëheqja e Bamir Topit është pasuar me shkrirjen e strukturave të cilët kanë kundërshtuar këtë koalicion të ri.
Goditja më e madhe për Sali Shehun ka ardhur nga dega e FRD-së së Tiranës, e cila ka qenë dhe struktura kryesore e kësaj force. Duke filluar nga Kryetari i kësaj dege, Andi Seferi e gjer tek anëtarësia e thjeshtë, kanë firmosur dorëheqjet e parevokueshme duke u larguar përfundimisht nga FRD.
Nga rezultatet e FRD-së në zgjedhjet e fundit, është pikërisht dega e Tiranës e cila i ka dhënë dhe votat kësaj force politike, ndërkohë që në Dibër ku pritet të kandidojë Sali Shehu nuk ka mundur të marrë asnjë rezultat. Me shkrirjen e degëve të FRD-së, koalicioni i vetëm i Lulzim Bashës është vetëm ai me Sali Shehun.
Kujtojmë se rikthimi i armikut të betuar i Sali Berishës, Bamir Topi, ishte surprizë, pasi në zgjedhjet e fundit, ai ishte në koalicion me Partinë Socialiste.
