Kreu i Partisë Demokratike Lulzim Basha është pritur sot ndryshe nga çdo herë në Kavajë. Në vizitë e some, lideri opozitar mblodhi një grup të madh qytetarësh në shesh.
Në një atmosferë entuziaste mes brohoritjesh: “Rama ik!” dhe “Fitore!”, kryedemokrati është ngjitur mbi makinë duke i përshëndetur me dy gishta.
“Ça bëhet këtu! Zëri i Kavajës ka qenë zëri i ndryshimit. Një porosi ju lutem mbajmë pak distancë se jemi afër. Ju falënderoj nga zemra për këtë pritje. Bashkë për ndryshimin, Shqipëria fiton!”, tha kreu i PD-së.
Me herët krye demokrat, në një komunikim me qytetarët përmes “Facebook”, u ndal tek vota e shqiptarëve të Diasporës.
Sipas Bashës vota e tyre është kushtëzuar nga kryeministri Edi Rama, por nëse ai vjen në pushtet, do të mundësohet votimi elektronik, që minimizon manipulimin e votës por edhe mundëson të drejtën e emigrantëve për të zgjedhur.
Gjithashtu Basha u ndal tek kërkesat e SHBA e BE për përfshirjen në lista të personave me integritet dhe të pastër. Sipas kryedemokratit, Rama nuk e ka mbajtur këtë premtin, pasi sipas tij, në listat e PS ka persona të lidhur me krimin. Ai theksoi ndër të tjera se 25 prilli do të jetë një ditë çlirimi për të gjithë shqiptarët, edhe për vetë socialistët.
