Kryetari i KZAZ-së në një prej qendrave të votimit në një fshat të qytetit të Kavajës, ka vendosur që të mbylli qendrën e votimit. Kryetari i KZAZ-së në këtë qendër është shprehur se nuk k a më votues, ndër të tjera ai ka shtuar se ka disa orë që po qëndron kot sepse banorët e fshatit sipas tij kanë votuar të gjithë.
Po ashtu thekson se ka qenë komisioner që prej vitit ’91 dhe e di mirë se sa votues ka fshati.
“100 shtëpi ka fshati gjithsej. Unë kam pesë orë këtu. Nga ora një deri tani nuk ka asnjë person me votues. Kam qenë gjithmonë komisioner që prej ‘91dhe e di se sa votues ka ajo lagje dhe sa shtëpi ka, prandaj e mbyllën. Po unë jam kryetari i KZAZ”, tha kryetari.
Kujtojmë se procesi i votimit ka nisur në orën 07:00 dhe mbyllet në orën 19:00 dhe ditën e djeshme kreu i KQZ-së Ilirjan Celibashi, ka thënë që do të merren masa për ata kryetar apo komisioner që nuk zbatojnë orarin apo edhe rregullat e vendosura. Procesi i votimit në tërësi ka qenë i qetë por ka pasur edhe incidente në disa qendra, ku mund të përmendim edhe përplasje midis komisionerve me qytetarët. Kujtojmë se këto janë zgjedhjet më të rëndësishme parlamentare dhe në një situatë jo të zakonshme pasi po zhvillohen në kohë pandemie.
