E Ngarkuara me Punë e SHBA në Tiranë, Nancy VanHorn, zhvilloi një takim me anëtarët e Këshillit të Lartë Gjyqësor,ku përgëzoi Ilir Rusin për emërimin si kryetar dhe Yllka Rupën si nënkryetare të institucionit.
VanHorn vlerësoi përpjekjet e KLGJ-së dhe ripërsëriti mbështetjen e fortë të Shteteve të Bashkuara për institucionet e drejtësisë në Shqipëri.
Ajo inkurajoi anëtarët e KLGJ-së të përmbushin detyrimet e tyre në procesin e vlerësimit të kandidatëve, emërimin e gjyqtarëve dhe në uljen e numrit të çështjeve të prapambetura, duke ruajtur integritetin.
VanHorn theksoi rëndësinë e një sistemi gjyqësor të pavarur, efikas, transparent dhe të përgjegjshëm në Shqipëri.
