Edhe në Greqi janë të shumta rastet kur njerëzit dënohen me gjobë për shkak të shkeljes së masave të vendosura nga qevria për frenimin e pandemisë së COVID-19. Gjobës nuk i ka shpëtuar edhe një e moshuar 80-vjeçare e cila ishte e pastrehë. Ngjarja ka ndodhur në Lamia dhe 80-vjeçarja e quajtur Marian është dënuar me 300 euro gjobë pasi po qëndronte jashtë, duke qenë se nuk kishte asnjë person ku të shkonte.
Por menjëherë sa qytetarët e kanë marrë vesh lajmin, ata e detyruan ministrin e Financave, Hristos Stajkuras, të anulonte vendimin. Ndërsa vetë e moshuara ka dhënë një intervistë për mediat grekeku ka falenderuar të gjithë ata që e kanë ndihmuar dhe i kanë qëndruar pranë .
“Jeta ka qenë e padrejtë me mua. Por gjej rastin t’i falenderojë të gjithë ata që ma kanë ndihmuar dhe më qëndruan pranë. Nuk dua para. Kam një vajzë, por ajo jeton larg dhe ka krijuar jetën e saj. Nuk kam asnjë pranë vetes, por bëj sa mundem”, tha 80-vjeçarja.
Marian është përballur me vështirësi të shumta, pasi ka humbur dy djem dhe një nip në aksident automobilistik . Kjo ngjarje ishte aq tronditëse për të sa ajo tentoi të helmohej për t’i dhënë fund jetës, por arriti të shpëtonte falë mdërhyrjes në kohë të mjekëve.
“Kam shtëpi, por nuk mund të qëndroj atje. Kam fotografitë e të gjithë të vdekurve. Thjesht eci rrugëve, më pëlqen të shoh njerëz, pasi nuk ndihem e vetme”, ka thënë e moshuara.
