Mutacioni britanik i koronavirusit ka qarkulluar në Maqedoninë e Veriut që prej dhjetorit të vitit të kaluar. Lajmin e ka konmirmuar vetë Instituti i Shëndetit Publik në vendin fqinj.
Bëhet e ditur se përgjatë dy muajve të kaluar në Laboratorin e virusologjisë dhe diagnostikimit molekular të tyre është bërë sekuencionimi i 48 mostrave pozitive të përzgjedhura të Sars-Cov-2, prej të cilave në pese raste janë konfirmuar positive me gjenome të mutacionit virusal me origjinë nga Britania e Madhe.
ISHP ka njoftuar se janë katër pacientë nga Kavadari dhe një nga Kumanova që kanë qenë të infektuar nga varianti i ri pa e ditur akoma se ky virus po qarkullonte në Maqedoni. Ndërkohë, Ministria e Shëndetësisë maqedonase ka njoftuar se në 24 orët e fundit janë regjistruar dyfishi i të shëruarve në krahasim me ata të infektuarit. Rastet positive me virusin kanë qenë 350, ndërsa njezete persona kanë humbur jetën. Që prej fillimi të pandemisë në shtetin fqinj janë regjistruar në total një numër prej më shumë se 93 mijë e 500 personash të infektuar. Ndërkohë, numri ne total i vdekjeve ka qenë 2893. Deri tani janë shëruar më shumë se 82 mijë e 700 persona, ndërsa rastet aktive janë më shumë se 7mije 800. Maqedonia ka kryer me shume se 461 mije teste
