Gazetarja Dorjana Bezat ka treguar detaje të tjera për vrasjen e 23-vjeçares Sabrina Bengaj, nga ish-bashkëshorti i saj, Elton metaj.
Bezat ka treguar se Metaj ka qëndruar i fshehur dhe ka pritur sa nga shtëpia janë larguar i ati, xhaxhai dhe vëllai i Sabrinës. Kur ka hyrë brenda, në korridor i ka dalë kunata e 23-vjeçares, e cila ishte shtatzënë, dhe e ka kërcënuar edhe atë.
Metaj e ka qëlluar Sabrinën menjëherë sa ajo ka dalë dhe trupi i saj është rrokullisur nga shkallët. Bezat tha më tej se Metaj e kishte mbështjellë armën me peshqir të madh për të amortizuar zhurmën dhe ka dalë nga banesa, ku kishte lënë mjetin e tij të ndezur.
“Përballë shtëpisë ndodhet një arë me misër dhe dyshohet se autori ka qëndruar i fshehur aty për disa orë dhe kur janë larguar xhaxhai, vëllai dhe të gjithë burrat ka hyrë nga dera kryesore, e cila ka qenë e hapur pasi kishte 30 minuta që ishte larguar i vëllai i Sabrinës.
Në korridor të banesës ka dalë kunata shtatzënë e ka kërcënuar dhe atë. Më pas ka dalë nëna e Sabrinës që i ka kërkuar të largohet. Ai ka vazhduar të kërkojë Sabrinën dhe kur 23-vjeçarja ka nisur të dalë e ka qëlluar menjëherë. Trupi i saj është rrokullisur nga shkallët. Shenjat e plumbave janë dhe në katin e e dytë dhe të tretë të banesës. Vajza e vogël po flinte në katin e dytë me gjyshen”,
“E kishte mbështjellë armën me peshqir të madh për të amortizuar zhurmën. Ka dalë nga banesa ku kishte lënë mjetin e tij të ndezur. 10-15 metër më tej ka hedhur peshqirin dhe është larguar”, ka thënë gazetarja.
Ngjarja e rëndë ndodhi në orët e vona të së premtes në Zhupan të Fierit, ku Elton Metaj vrau me armë zjarri, Sabrina Bengajn, ish-bashkëorten e tij, nënë e një vajze 3 vjeçe. Autori u arrestua nga policia disa orë pas krimit, ndërsa ditën e sotme gjykata caktoi për të masën e sigurisë “arrest me burg”.
