Prej vitesh tashmë, moderatorja Pranvera Borakaj drejton emisionin “7 pa 5”, i cili siç edhe kuptohet nga emri është herët në mëngjes.
Por mesa duket ajo është “mërzitur”, pasi merr shpesh refuzime nga deputetët për shkak të orës së transmetimit.
Sot në emision, ishte e ftuar deputetja e LSI, Silva Caka, e cila pas transmetimit, me anë të një komenti në Instagram ka dhënë vlerësimin e saj për emisionin dhe moderatoren.
Këtij komenti i është përgjigjur vetë Borakaj, e cila ka përfituar nga rasti për të thumbuar edhe politikanët, që sipas saj refuzojnë ftesat.
“Nuk kemi pse bëjmë kaq shumë sakrifica. Je nga te vetmet që ke ardhur në studio dhe pa bërë 40 ditë nga lindja e bebit. Të mendosh që në Parlament ka shumë deputetë që nuk vijnë në mëngjes se zgjohen pas orës 10”, shkruan moderatorja.
