Lagja “5 maji” në Elbasan vazhdon të jetë një vatër aktive infeksioni dhe të prodhojë raste të reja me Covid-19, teksa ditën e djeshme dy raste të reja u konfirmuan nga kjo zonë.
Mësohet se të infektuar kanë rezultuar një burrë 62-vjeçar, së bashku me bashkëshorten 60 vjeçe, teksa kjo e fundit pas komplikacioneve më shëndetin, është dërguar me urgjencë dje në Tiranë, kurse burri është i karantinuar në shtëpi.
Së fundmi, abcnews.al se gruaja në fjalë ka qenë më parë në Urgjencën e Spitalit të Elbasanit sepse kishte probleme me zemrën dhe ka marrë trajtim nga stafi i spitalit dhe është dërguar në shtëpi pas ekzaminimeve të bëra.
Menjëherë pas konstatimit të saj me koronavirus, mjekët dhe infemierët që i kanë shërbyer janë karantinuar në shtëpi, teksa bëhet me dije se kanë dalë negative në testin e parë, megjithatë ata mbetën të karantinuar në pritje të testit të dytë.
Nga ana tjetër, kujtojmë se 62-vjeçari punon si shofer fasonerie dhe ka punuar me dy turne, ku 2 javët e fundit , ai ka transportuar rreth 200 punonjës çdo ditë për në fabrikë.
I infektuar me Covid-19: Shoferi në Elbasan ka transportuar çdo ditë 200 punonjës
