Një nga ndeshjet duhet thënë me të papriturat më të mëdha ka qenë ajo e luajtur në kuadër të kompeticionit për Kupën e Italisë, Fiorentina-Roma, e cila ka përfunduar me rezultatin 7-1.
Të pësosh një humbje të tillë nga një skuadër e cila po lufton për t’ia dalë mbarë, ndaj një skuadre me histori pas, është padyshim shumë e habitshme, mirëpo në futboll gjithçka mund të ndodhë.
Në sfidën që ka përfunduar pak çaste më parë në “Artemio Franki” të Firences, Fiorentina vendëse ka shpartalluar Romën me rezultatin 7-1, duke kaluar në gjysmëfinalet e Kupës së Italisë.
Heroi i takimit Federiko Kieza, i cili ka qenë edhe autor i tre golave, përkatësisht në minutat 7′, 18′ dhe 74.
Dy gola për formacionin vjollcë i shënoi Xhovani Simone në minutën e 79-të dhe 89-të, ndërsa Muriel dhe Benasi plotësuan goleadën e rëndë në portën e Olsenit. Për Romën, golin e nderit e shënoi Kolarov, që shkurtoi përkohësisht diferencat në 2-1 në minutën e 28-të.
