Ka mbërritur në aeroportin e Rinasit sasia prej 8190 dozash nga vaksina Pfizer kundër Covid-19. Lajmin e ka komunikuar përmes një postimi në Facebook, kryeministri Edi Rama. Rama shkruan në Facebook, se sapo kanë mbërritur në vendin tonë 8190 vaksina të tjera anti-Covid të kompanisë Pfizer.
“8190 vaksina të tjera Pfizer mbrritën sonte, teksa vaksinimi vazhdon me ritëm të lartë”, shkruan Rama.
Kujtojmë se më herët Ministrja e Shëndetësisë, Ogerta Manastirliu, bëri të ditur se ditën e sotme në të gjithë vendin janë kryer 7367 vaksinime. Ndërsa në përditësimin e fundit, Ministria e Shëndetësisë ka ulur drastikisht numrin e testimeve të jryera ë 24 orët e fundit, me vetëm 994 të tilla, nga të cilat 69 kanë rezultuar pozitive. Ndërkohë, vetëm një person ka humbur betejën me virusin, ndërsa, aktualisht në spitalet COVID në Tiranë dhe tre spitalet rajonale po trajtohen 147 pacientë, 12 në terapi intensive, nga të cilët 4 pacientë janë të intubuar.
Ministria e Shëndetësisë dhe Mbrojtjes Sociale ju bën apel të gjithë qytetarëve të mos e ulin vigjilencën dhe të vijojnë të zbatojnë rregullat për për parandalimin e COVID19: Vendosni maskën mbrojtëse në çdo ambient jashtë shtëpisë, shmangni grumbullimet, ruani distancimin fizik; kujdesuni për higjenën vetjake dhe vetëizolohuni kur dyshoni se jeni të prekur nga COVID19.
