Vjeshta duket se ka sjellë një valë të dytë infektimi në të gjithë botën pasi rastet e reja pozitive po rriten çdo ditë e më shumë.
Dhe kësaj rritjeje të shpejtë nuk mund t’i shpëtonte as Kandaja, por përsëri një qytet duket se po i bën ballë. Bëhet fjalë për qytetin Nunavut në veri të Amerikës, pjesë e territorit të Kanadasë i cili mori masa drastike që në muajin mars, ku mbylli kufinjtë për të gjithë banorët që nuk janë rezidentë.
Në masat e marra që në fillim të pandemisë, edhe rezidentët që kishin lëvizur për në jug të vendit, duhet t’i nënshtroheshin një izolimi dy javor të ndërtuar nga autoritetet në Winnipeg, Yellowknife, Ottawa dhe Edmonton.
Rojet e sigurisë janë kujdesur për këto hotele dhe infermierët janë kujdesur për të izoluarit. Që prej fillimi të pandemisë rreth 7000 veta kanë marrë shërbimin në izolim. Personat që e kanë thyer izolimin kanë marrë dënime nga shteti, por pikërisht këto masa kanë bërë që ky qytet mos të raportojë asnjë të infektuar përgjatë këtyre muajve.
