Kryeministri Edi Rama gjatë një takimi që po zhvillon në rrethin e Dibrës, iu ka premtuar qytetarëve të Burrelit 24 orë ujë. Ai ia hodhi fajin qeverisjes së kaluar që akoma nuk është siguruar ujë 24 orë, pasi sipas tij kur erdhi në pushtet e gjeti vendin pa ujësjellës.
“Sheikët e Evropës, sheikët e bardhë, Norvegjia ka pasur zbrazje totale, ishte uri, realisht uri. Jo si këta që nuk ia kanë idenë ku bie fshati dhe thonë po vdesin njerëzit për bukë. Është çështje e kapërcimit të nivelit, nuk jemi ende vend i zhvilluar, jemi ekonomi në zhvillim, prapambetja strukturore është e tmerrshme. Ka disa që thonë “akoma për 24 orë ujë do flasim”. A është faji im, përgjegjësia jonë që e gjetëm këtë vend pa ujësjellës.
Për ca të flasim, për satelitë. Nuk jemi magjistar, as të pagabueshëm. Kush e di ca do më thënë puna, e di që gjërat bëhen hap pas hapi. Në Burrel 24 orë ujë së shpejti. Faji jonë është që nuk ishte vendosur dorë kurrë. Si? Dhe si mund të bëheshin të gjitha këto në kushtet për mandatin e parë ishte një gropë e madhe, e tmerrshme borxhesh. Në mandatin e dytë nuk morën dot frymë, pandemia, pastaj vjen lufta. Inflacioni është këtu, kriza e çmimit të energjisë shkaktuar nga lufta me qëllim. Ukraina është sebepi, Putin e nisi një luftë të tillë për të gjunjëzuar gjithë perëndimin, dhe kjo na ndikon edhe ne sepse jemi pjesë e Perëndimit”, tha ai.
