Policia e Shtetit ka sekuestruar pasditen e sotme rreth 3,000 rrënjë kanabis në fshatin Pajovë të Peqinit.
Mësohet se operacioni ka ndodhur ditën e sotme pas informacioneve në rrugë operative që kanë mbërritur në policinë e Elbasanit dhe gjatë këtij operacioni është arrestuar shtetasi M. Kulla, teksa është shoqëruar edhe një banore e Peqinit rreth 30 vjeçe me iniciale V.M., raporton News 24.
Ndërkohë, ende nuk ka një njoftim zyrtar nga Policia e Shtetit lidhur me operacionin e efektivëve ditën e sotme.
Kujtojmë se ditën e djeshme, kyeprokurori Olsian Çela u shpreh në Komisionin e Ligjeve se kultivimi i kanabisit vazhdon të rritet në 4 qarqe të vendit, si Kruja, Vlora, Shkodra dhe Gjirokastra dhe se se mungon bashkëpunimi me Policinë e Shtetit.
Ndërsa nivelin e lartë të informalitetit në vendin tonë e quajti pengesë për hetimin e pastrimit të parave.
… në përditësim
