Ashtu siç edhe kemi lajmëruar katër persona janë vënë në prangat e policisë si të dyshuar që bënin pjesë në grupin e grabitësve të Rinasit, mirëpo ditën e sotme policia ka ndërmarë një aksion.
Uniformat blu kanë ushtruar kontrolle në banesat e të katër të arrestuarve për të kërkuar gjurmë të cilat mund t’i drejtojnë drejt përsona që realizuan grabitjen dhe deri më tani nuk ka asnjë të dhënë sesi kanë rezultuar këto kërkime.
4 të dyshuarit janë arrestuar mbrëmjn e djeshme pas një operacioni që Policia e Shtetit e ka shtrirë në Tiranë, Elbasan dhe Fushë-Krujë.
Ende nuk ka një deklaratë zyrtare e cila mund të na shpjegojë nëse këta 4 persona kanë pasur lidhje me grabitjen ose jo, megjithatë jemi në priteje të çdo të reje.
