Mediat italiane kanë raportuar ditën e djeshme se një shqiptar ka përdhunuar një studente në Itali.
Mediat e kanë cilësuar si një histori horrori, ku me studenten është abuzuar seksualisht për orë të tëra. Ngjarja ka ndodhur në qytetin e Firences.
Identiteti i 28-vjeçarit shqiptar ende nuk është bërë me dije. Ai qëndronte në Itali në mënyrë të paligjshme dhe rezultonte me precedentë penalë të mëparshëm.
Mendohet se shqiptari e kishte ftuar studenten italiane të kalonin kohë bashkë në një hotel, por pasi ai kishte filluar ta rrihte e më pas kishte abuzuar me të për disa orë me radhë.
Në dëshminë e saj në polici studentja kishte thënë se ajo mezi kishte arritur të shpëtonte nga shqiptari, ku më pas kishte shkuar edhe në rajonin më të afërt të policisë për ta denoncuar.
