Tashmë SHBA është vendi më i prekur në botë nga koronavirusi dhe prej tre ditësh shifrat e vdekjeve në 24 orë i kanë kaluar 2,000, çka përkthehet në tre viktima çdo dy minuta.
Gjatë 24 orëve të fundit janë regjistruar 1,796 viktima, duke e çuar në 34,384 numrin e përgjithshëm të jetëve të humbura.
Sakaq, janë identifikuar 25, 067 raste të reja infeksioni, ndërsa në total janë 673,215 të infektuar.
Nga ana tjetër, janë shëruar 57, 232 persona, ndërkohë që 13, 369 ndodhen në gjendje kritike.
Ndërkohë, vendi i dytë i prekur është Spanja që ka numrin më të lartë të të infektuarve pas SHBA me 182, 816 të prekur dhe 19, 130 viktima.
Italia ka zbritur në vendin e tretë me 168,941 të prekur dhe 22,170 viktima, ndjekur nga Franca me 165, 027 të infektuar dhe 17,920 të vdekur.
Në total në rang global koronavirusi ka infektuar 2,172,875 persona dhe ka vrarë 144,868, ndërsa 546,272 pacientë janë shëruar.
