Një ngjarje e rëndë ndodhi mesditën e djeshme në fshatin Babicë të Vlorës. Shtetasi shtetasi Lavdosh Sulo, 56 vjeç, goditi me mjet të fortë (levë hekuri) bashkëshorten e tij 44-vjeçare, shtetasen Laureta Sula.
Ai e pranoi autorësinë e krimit të rëndë që ditën e djeshme, ku madje kishte telefonuar policinë, ku kishte thënë se sapo kishte vrarë gruan.
Lavdosh Sula, ditën e sotme ka treguar edhe arsyet e vërteta të ngjarjes. Ngjarja ka ndodhur brenda banesës, ku çifti kishte edhe një servis dhe ku punonin të dy. Ai ka deklaruar se prej 5 vitesh ka pasur probleme me gruan e tij Laureta Sula, dhe janë ndarë disa herë dhe janë pajtuar për hatër të fëmijëve.
Autori i ngjarjes ka thënë në polici se gruaja e tradhtonte.Para 10 ditësh ata kanë pasur një zënkë në familje për shkak të tradhëtise, ku gruaja e ka pranuar lidhjen me një person tjetër, mësohet nga burimet.
“E ndava, erdhi sërish ne shpi. E kisha paralajmeruar të mos e përsëriste më. U zumë për telefonin, ajo më shau. Nuk mbajta më. E qëllova pastaj vajta te lokali që të lajmëronin policinë. Isha i nxehur. Më tallnin njerëzit, kishte 5 vjet e lidhur me dikë nga fshati”, është shprehur Lavdosh Sula.
Arsyet që kanë çuar në këtë ngjarje të rëndë kanë të bëjnë me tradhëtinë, ndërsa viktima dyshohet se kishte lidhje jashtëmartesore me kushëririn e burrit të saj, të cilin kishte tentuar ta vriste pak ditë më parë, vëllai i autorit.
Pas vrasjes Lavdosh Sula ka shkuar në një lokal pranë banesës dhe ka njoftuar policinë, të cilët kryen më tej dhe arrestimin e tij.
