Kreu demokrat, Lulzim Basha ka thënë se qeveria i ka vendosur vendit një tabelë ku thotë “Shitet” se se po i trajton pasuritë natyrore si plaçkë.
Basha tha se me korrupsion i janë shkaktuar miliarda borxhe vendit, ndërsa pronarët fundorë fshihen e sekreti mbahet jo për të mbrojtur emrin e mirë të zonjave e zotërinjve, por për të shpërndarë me pushtetarët. Sipas Bashës, këtë gjë e konfirmoi edhe skandali Pandora Papers.
Kryedemokrati tha se përtej propagandës ndodhet njerëzit me hallet dhe përpjekjet për fëmijët e tyre dhe sakrificat që bëjnë për ta.
“Jo vetëm në sektorin e energjisë por në të gjithë sektoret e tjera, i keni vendosur vendit një tabelë ku thotë Shitet. Pasurite natyrore i keni trajtuar dhe po i trajtoni si plaçkë. Me korrupsion, i keni shkaktuar me miliarda borxhe vendit, të paktën 7 miliard euro, buxhetin e keni vendosur në PPP. Pronarët fundorë fshihen. Sekreti nuk mbahet për të mbrojtur emrin e mirë të zonjave dhe zotërinjve, se të tillë nuk janë, por për të shpërndarë me pushtetarët e korruptuar. Këtë dëshmoi dhe skandali i Pandora Papers. Nuk janë pasojë e krizave të importuara, e keni telendisur shqipërinë në arbitrazhet ndërkombëtare, të cilat mund të prodhojnë një dëm ekonomik në xhepat e shqiptarëve. Një bombë me sahat. Në mesin e kësaj stuhie, e shkaktuar nga kjo qeveri, në pamundësi për të mbajtur premtimet nga kreu i saj, iu është dukur më e leverdisshme të bërtase ujku, ujku. Për atë që me siguri nuk do bëni asnjëherë. Përtej propagandës, ndodhen njerëzit. Me hallet e tyre të vërteta, me përpjekjet e tyre për fëmijët e tyre, me sakrificat për ti cuar në shkollë”, tha Basha.
