Komisioni i vlerësimit të kandidatëve për përzgjedhjen e deputetëve në Partinë Demokratike, ka skualifikuar pasditen e sotme nga gara, ish-deputetin Flamur Noka, Endri Hasën, Ervin Salianjin, dhe Gerti Bogdanin, kanë raportuar disa media.
Nga votimi i bazës në degën Maliq, komisioni ka vendosur që ta nxjerrë Salianjin jashtë gare, duke i djegur mundësinë të kandidojë për deputet me PD-në në zgjedhjet e ardshme.
Gjithashtu raportohet se komisioni ka skualifikuar edhe Aldo Bumçin. Ndërkohë në mes të skualifikuarve, mësohet të jenë edhe 10 ish-deputetë të PD-së. Lista me 316 emra iu dërgua po ashtu ditën e sotme Kryesisë së PD-së./GazetaReforma.com/
