Ndërsa protesta e studentëve vazhdon sot për të tetën ditë radhazi, kryeministri Edi Rama mori vendimin e parë ditën e sotme. Sipas burimeve për “newsbomb”, kryeministri shkarkoi bordet dhe drejtorët e administrimit të studentëve.
I ftuar mbrëmjen e së martës në emisionin “Top Shoë”, Rama paralajmëroi një veprim të tillë, duke iu referuar faktit se në borde ka përfaqësues që nuk e kanë bërë punën si duhet.
“Po të jetë për mua, unë i shkarkoj të gjitha”, tha Rama, ndërsa këtë gjë e bëri fakt të kryer mesditën e kësaj të mërkure.
Nga ana tjetër përmes një statusi kryeministri u kërkoi sërish studentëve sot që të bisedojnë për kërkesat e tyre, ndërsa ai nuk ka asnjë kusht.
Por studentët duken të vendosur se nuk ka negociata, por të plotësohen kërkesat e tyre.
Protesta e studentëve nga mbrëmja e djeshme është ndarë në dy grupe. Njëri grup vazhdon të protestojë përpara Ministrisë së Arsimit, ndërsa një grup tjetër janë stacionuar para Kryeministrisë, ku një pjesë e tyre kaluan edhe natën aty.
