Në pranga Shefja e Shërbimi të provës në Kurbin, Lindita Lelçaj. SPAK e akuzon për veprën penale “korrupsion i zyrtarëve publikë” pasi ka shfrytëzuar detyrën për të marrë para dhe duke lëshuar raporte prove fiktive.
Ajo është arrestuar dje, në flagrancë në një operacion ku kanë marrë pjesë persona të infiltruar.
Ministrja Etilda Gjonaj, më pas, ka firmosur urdhrin për pezullimin e Lindita Lelçajt nga detyra. Kjo e fundit firmoste vendime për kryerjen e shërbimit të provës nga persona të dënuar që nuk janë fare në Shqipëri.
“Në vijim të informacioneve mbi ndalimin me urdhër të Prokurorisë Kurbin të shtetases Lindita Lelçaj me detyrë Drejtore e Zyrës Vendore të Shërbimit të Provës Kurbin, Ministrja e Drejtësisë Etilda Gjonaj ka firmosur urdhrin për pezullim të menjëhershëm nga puna”, thuhet në njoftimin e Ministrisë së Drejtësisë.
/Gazetareforma.com/
