Ka shkuar në 12 numri i të prekurve nga COVID-19 në Elbasan.
Tashmë rezulton e infektuar edhe gruaja e pronarit të restorantit në lagjen “5maji” në Elbasan, i cili ndodhet pranë gjykatës.
Pronari i restorantit ndërkohë ndodhet në spitalin “Shefqet Ndroqi”, që prej fillimit të javës.
Restoranti i çiftit 40 dhe 46 vjeç dyshohet se ka qenë vatra e përhapjes së koronavirusit në Elbasan.
Sipas epidemiologëve, 90% e rasteve që rezultojnë pozitiv në Elbasan, kanë qenë frekuentues të restorantit.
Pronari i restorantit e ka mbajtur hapur biznesin gjatë gjithë kohës, duke shkelur hapur VKM-në e qeverisë.
Ditën e djeshme ndërkohë u dezinfektua restoranti, banesa e 46-vjeçarit dhe zona përreth.
Gjatë ditëve të fundit në Elbasan u janë marrë tamponët 13 personave të tjerë, për të cilët pritet përgjija.
Autoritetet u kanë bërë thirrje të gjithë qytetarëve që kanë frekuentuar restorantin, që të vetëkarantinohen dhe të informojnë hetimin epidemiologjik për shëndetin e tyre dhe të familjarëve.
Aktualisht në vendin tonë janë prekur 383 persona nga COVID-19, në mesin e të cilëve 154 të shëruar dhe 22 viktima.
