Një i burgosur 66-vjeçar në burgun e Peqinit, i identifikuar si Riza Boni, ka ndërruar jetë.
Sipas “Dosja.al”, nuk dihet ende shkaku i vdekjes, ndërsa dyshohet se ai mund të ketë qenë i infektuar me COVID-19.
Kohët e fundit i burgosuri ka pasur dhimbje barku, por për shkak se burgu nuk ka mjek, nuk iu morën analizat.
Kujtojmë këtu se brenda një muaji në burgun e Peqinit kanë ndërruar jetë 3 persona.
I njëjti shqetësim është ngritur edhe në burgun e Reçit, pasi njëri prej të burgosurve, ka dyshime për dy të tjerë.
Sipas tij të burgosurit kanë takuar një të afërm nga Italia disa javë më parë dhe tani kanë shfaqur simptomat.
Aktualisht në vendin tonë numri i të prekurve nga koronavirusi ka shkuar në 38, ndërsa është regjistruar edhe një viktimë.
Nga 38 të infektuarit, 12 ndodhen në repartin e Infektivit, dy prej të cilëve në terapi intensive.
Qeveria ka ndërmarrë një sërë masash shtrënguese për të parandaluar përhapjen e koronavirusit, duke mbyllur shkollat, lokalet, duke anuluar aktivitetet publike, si dhe duke bllokuar qarkullimin e mjeteve private deri të dielën në mesnatë.
