Kryetarja e Gjykatës Administrative të Durrësit, Marjana Velçani, “ka ngecur” në rrjetën e vettingut”.
Komisioni i Pavarur i Kualifikimit gjeti parregullsi të shumta me pasurinë e saj.
Trupa gjykuese që dha vendimin, përbëhej nga kryesorja Firdes Shuli, relatorja Brunilda Bekteshi dhe anëtar Roland Ilia.
Gjatë seacës së fundit, KPK ngriti dyshime për burimine parave për një apartament në qytetin e Beratit, me sipërfaqje 112 m2, i blerë për shumën e 3 milion lekëve në prill të vitit 2003.
Si burim të ardhurash, Velçani deklaroi një kredi 20 mijë euro dhe kursime nga paga.
Nga kontrata e nënshkruar me palën shitëse, rezulton se 3 milion lekë i ka paguar jashtë zyrës së noterit.
Komisioni ngriti dyshime të forta për blerjen e apartamentit, pasi për kredinë nuk është vendosur kolateral.
Njëkohësisht KPK vlerësoi se gjyqtarja ka aftësi mestatare në interpretimin e ligjit, si dhe janë konstatuar probleme në zbatimin e procedurës dhe marrjen e vendimeve.
