I është sekuestruar telefoni celular ish-kryebashkiakut të Kavajës, Elvis Rroshi, me urdhër të Prokurorisë së Posaçme, si pjesë e hetimeve për krime zgjedhore.
Policia njoftoi se ka kryer një operacion që përfshin kontrolle në disa banesa, ku ndër të përfshirët është edhe Rroshi.
Gjatë kontrollit ndaj shtetasit E. Rr., 50 vjeç, banues në Kavajë, u sekuestrua jo vetëm telefoni celular, por edhe dokumente të tjera që mund të kenë lidhje me hetimin, përfshirë fatura, kupona nafte dhe lista zgjedhësish, të gjetura në një ambient në pronësi të tij.
Operacioni është zhvilluar në kuadër të hetimeve për manipulim të mundshëm të procesit zgjedhor dhe përfshin pesë persona në total.
Autoritetet njoftojnë se hetimet janë në vijim dhe priten zhvillime të mëtejshme.
