Një ngjarje e pazakontë ka ndodhur ditën e djeshme në rrugën “Ibrahim Rugova”, në oborrin e Qendrës së Shërbimit Mjekësor në kryeqytet.
Policia e Tiranës bën me dije në një njoftim për shtyp se dy stomatologe janë konfliktuar me njëra-tjetrën në ambientet e punës dhe më pas konflikti është përshkallëzuar në përballje fizike.
Stomatologia 37-vjeçare dhe kolegia e saj 42-vjeçare janë kapur me shpulla në oborrin e Qendrës së Shërbimit Mjekësor për arsye ende të paditura.
Ditën e sotme materialet në Prokurorinë pranë Gjykatës së Shkallës së Parë Tiranë.
Njoftimi i Policisë:
“Më datë 16.06.2020, u referuan materialet në Prokurorinë pranë Gjykatës së Shkallës së Parë Tiranë, për shtetasen E. L, me profesioni stomatologe, sepse në orën 09:30, në rrugën “Ibrahim Rugova”, në oborrin e Qendrës së shërbimit Mjekësor, ka goditur me shuplakë në fytyrë shtetasen G. V me profesion stomatologe.”
