Raporti i SHISH-it për vitin 2019 vë në dukje kontraktimin në rritje nga grupet kriminale të vrasësve me pagesë, të cilët përdorin identitete të ndryshme dhe disponojnë pasaporta origjinale ose false nga disa vende evropiane.
Sipas emisionit ‘Unpublished’ të Euronews, Departamenti i Krimeve të Rënda disponon një listë me emrat e vrasësve që dyshohet se veprojnë dhe janë përfshirë në ngjarje kriminale.
Policia shprehet jashtë kamerave se deri tani janë përballur me dy lloje vrasësish me pagesë: ata që punojnë për llogari private dhe mund të kryejnë punë për llogari të disa bandave dhe individëve dhe vrasësit apo të etiketuarit ndryshe si qitësit e një bande kriminale që rekrutohen vetëm për këtë qëllim.
Një vrasje me pagesë, nga ato që policia ka informacion dhe i ka zbardhur, shkon deri në 80 mijë euro.
Vrasësit me pagesë mund të kategorizohen në dy grupe: kontigjent të botës së krimit me rekorde kriminale të hershme dhe ish-pjesëtarë të Forcave Elitë shqiptare.
https://www.facebook.com/euronews.al/videos/652572908657619/
