Kreu i SPAK, Altin Dumani, gjatë konferencës për mbarimin e mandatit Kushtetues të KPK, deklaroi se institucioni që ai drejton është duke goditur pandëshkueshmërinë dhe po punon për të rrëzuar mendësinë e të paprekshmëve në vend.
Dumani theksoi se Reforma në Drejtësi ka bërë më të sigurt rrugën e Shqipërisë drejt Bashkimit Evropian.
Ai vlerësoi se procesi i Reformës ka qenë transformues dhe ka krijuar një sistem drejtësie më të besueshëm, ndërsa shtoi se për SPAK, procesi i vettingut ka qenë një ngarkesë e madhe, por që ka ndihmuar në forcimin e besimit të qytetarëve në institucionet e reja të drejtësisë.
Dumani gjithashtu tha se nga 31 dhjetori, çështjet e papërfunduara nga Komisionerët Publikë do t’i kalojnë SPAK dhe do të kërkojnë një angazhim të madh për t’u përfaqësuar.
