Altin Dumani, kreu i SPAK, u nderua me titullin “Kalorës i Luftës Kundër Korrupsionit” në një ceremoni të organizuar nga Departamenti i Shtetit i SHBA-së. Çmimi iu dha nga Sekretari amerikan i Shtetit, Antony Blinken, në prani të zyrtarëve të lartë të administratës amerikane, përfshirë zv. Ndihmës Sekretaren Kryesore Yuri Kim dhe zv. Ndihmës Sekretarin Kasanof.
Në fjalën e tij, Blinken theksoi se SHBA mbështet fuqishëm luftën e Shqipërisë kundër korrupsionit dhe krimit të organizuar. Ai vlerësoi punën e Dumanit dhe të SPAK-ut, duke përmendur goditjet ndaj politikanëve të lartë dhe grupeve kriminale, duke e cilësuar Dumanin si një nga individët më të besueshëm në Shqipëri dhe një shembull të punës së shkëlqyer.
