Pas përfundimti të takimit mes tyre, kryeministri Edi Rama dhe Albin Kurti kanë nisur konferencën e përbashkët. Kryeministri i Kosovës është shprehur se mandatet e dy qeverive janë plot sfida, duke filluar nga përballja me pandeminë e rimëkombja ekonomike.
Kurti ka thënë se duhet të rritet bashkëpunimi mes dy vendeve dhe të hiqen barrierat që shkaktojnë pengesa. Ai e quajti këtë gjë të domosdoshmepër qytetarët dhe ekonomitë e dy vendeve.
“Mandatet e të dy qeverive tona i kemi marrë në një kohë plot sfida. Përballja me pandeminë, me variantin eksploziv Delta, rimëkëmbja ekonomike, janë disa prej sfidave tona, për tejkalimin e të cilave do të angazhohemi së bashku. Ne i gëzohemi tej mase zhvillimit në Shqipëri. Për realizimin e këtyre sfidave, qeveria dhe unë mbetemi në gatishmëri të plotë. Dy qeveritë tona kanë mundësi e potencial për të realizuar projektet, që priten prej kohësh nga qytetarët e të dy vendeve. Ne duhet të rrisim bashkëpunimin për më shumë barazi mes dy vendeve. Ndërlidhja e dy vendeve për heqjen e barrierave, që shkaktojnë pengesa, është e domosdoshme për qytetarët dhe ekonomitë tona”, tha Kurti.
Më tej Kurti ka thënë me Ramën ka biseduar për të gjitha fushat e qeverisjes e në veçanti të koordinimit dhe sinkronizimit. Po ashtu ata biseduan për avancimin e zbatimit të marrëveshjeve mes dy qeverive.
“Biseduam për të gjitha fushat e qeverisjes sonë të mirë dhe në veçanti u zotuam që e shohim si tejet të rëndësishëm koordinimit dhe sinkronizimin gjithandej.
Në takimin e sotëm biseduam edhe për avancimin e zbatimit të marrëveshjeve mes dy qeverive tona. Janë mbajtur deri më tani 16 takime, ku janë nënshkruar qindra marrëveshje. U vendos të nisin përgatitjet në dy kabinetet tona, me qëllim që mbledhja e ardhshme të jetë në mesin e muajit nëntor”, ka thënë kryeministri Kurti.
