Firma amerikane bioteknike Moderna tha të dielën se zyrtarët amerikanë kanë vonuar miratimin e vaksinës së saj Covid-19 për adoleshentët për të lënë më shumë kohë për të vlerësuar më mirë rrezikun e mundshëm të zhvillimit të miokarditit, ose inflamacionit të zemrës.
Administrata Amerikane e Ushqimit dhe Barnave (FDA) të premten “informoi Moderna-n se agjencisë i duhet kohë shtesë për të vlerësuar analizat e fundit ndërkombëtare të rrezikut të miokarditit pas vaksinimit,” tha kompania bioteknike të dielën në një deklaratë.
Vlerësimi nëse do të rekomandohet vaksina e Moderna-s për 12 deri në 17 vjeç mund të zgjasë deri në janar 2022, tha kompania.
Miokarditi dhe një rrezik i lidhur me të, perikarditi (inflamacion rreth zemrës) janë lidhur më parë me vetë vaksinat Pfizer dhe Moderna Covid-19, veçanërisht tek djemtë adoleshentët dhe të rinjtë. Por rreziku është shumë më i lartë pas infektimit me Covid-19, sipas një studimi të publikuar në gusht nga Qendrat Amerikane për Kontrollin dhe Parandalimin e Sëmundjeve (CDC).
CDC zbuloi se “miokarditi pas vaksinimit me vaksinat mRNA ka qenë i rrallë dhe përgjithësisht i butë”, tha Moderna.
Moderna kishte thënë më parë se po priste që FDA të vendoste nëse do të miratonte vaksinën e saj për adoleshentët nën moshën 18 vjeç përpara se të kërkonte miratimin e rregullatorit për grupmoshat më të reja.
