Mbrëmjen e djeshme para “Home Office”, në Angli është zhvilluar një protestë nga komuniteti shqiptar atje dhe shoqatat në mbrojtje të emigrantëve. Ata protestuan përpara Ministrisë së Brendshme për vetëvrasjen e dy shqiptarëve, pak ditë më parë.
Kujtojmë se Leonard Farruku i dha fund jetës javën e kaluar, teksa mbahej në anijen hotel “Bibi Stochholm”. Ndërsa shqiptari tjetër, Alfred Dosku mbahej në qendrën e mbajtjes të azilantëve “Colnbrook House”.
Në protestë dje u kërkua që qeveria britanike të zhvillojë hetime të plota për të mësuar rrethanat e këtyre dy ngjarjeve të rënda, që ndodhën në dy institucione emigracioni.
James Cleverly sekretar për çështjet e brendshme disa ditë më parë duke folur për rastin e Leonard Farrukut deklaroi “se ajo vdekje e papritur dhe e trishtë do të hetohet plotësisht”.
