Ekipi i Milanit po bëhe gati për e blerjet e radhës që do t’i japin më shumë forcë për të qendruar në vend të parë dhe largimin me pikë nga ndjekësit e afërt. Një qendërmbrojtës dhe një mesfushor, dy janë objektivat e Milanit në këtë merkato. ‘Djajtë’ kryesojnë Serie A dhe duket se po mbledhin mirë forcat për të garuar deri në fund dhe për të fituar titullin kampion, që mungon në Milanon kuqezi prej vitit 2011.
Mediat italiane kanë njoftuar se Mohamed Simakan është dëshira e madhe e Piolit për prapavijën. 20-vjeçari është pjesë e Strasbourg në Ligue 1, teksa për të interesohet edhe Leipzig. Milani e ka rritur ofertën në 17 milion euro (14+3 në formë bonusesh). Pirtet një përgjigje pozitive nga klubi francez i cili ende nuk ka marrë një ofertë zyrtare nga kuqezinjtë.
Ndërsa ojektivi tjetër i Milanit është Soualiho Meite. 26-vjeçari francez është pjesë e Torinos dhe aktivizohet në qendër të mesfushës. Dy klubet po negociojnë dhe Meite pritet të transferohet në Milanello në formë huazimi deri në fund të sezonit. La Repubblica raporton se Milan pritet të paguajë 1 milion euro për huazimin e këtij lojtari me të drejtë blerje të kartonit për 10 milion euro të tjera. Dy blerje të tilla do ta mbanin Milanin përgjithmonë në krye të Seria A.
