Rritja alarmante e çmimeve ka qenë një nga çështje më të diskutuara kohët e fundit, ku gjithashtu janë zhvilluar 7 protesta nga ana e qytetarëve.
Ashtu sikurse ishte paralajmëruar, ditën e sotme është vendosur një çmim i ri i naftës.
Kryeministri Rama ka njoftuar se do të jetë çmimi i naftës për datat 16 deri në 21 mars. Sipas Bordit Kombëtar, ky çmim do të jetë 203 lekë të reja. Kujtojmë që ditën e djeshme Bordi i Transparencës bëri me dije se ditën e sotme dhe të nesërme, cmimi i naftës dhe benzinës ka zbritur nga 217 në 211 lekë/litër.
Duket se kjo ulje e çmimit të naftës, me pretendimin se po iu vijnë në ndihmë qytetarëve dhe po dëgjojnë kërkesat e tyre, është thjesht një veprim për të “qetësuar” protestat, të cilat po organizohen çdo ditë.
Pasi nëse do krahasonim çmimin e naftës në bursë, me çmimin që është aktual në vend, përsëri ka një diferencë, që të lë të kuptosh se si qeveria luan me popullin, duke iu krijuar një iluzion se çmimi i naftës ka tendencë në rënie.
Pa marrë parasysh rënien e ndjeshme të naftës në bursë, e cila ka shkuar në 94,23$ fuçia, “Bordi Kombëtar i Administrimit të Karburantit” ka vendosur një çmim jo të arsyeshëm për naftën.
Për pesë ditët në vijim, çmimi i naftës do të jetë 203 lek/litër, ndërkohë që kjo shifër duhet të ishte ulur tashmë në 150 lek/litër.
