Ditën e sotme para Ministrisë së Bujqësisë është zhvilluar një protestë nga fermerët e disa zonave në vendin tonë.
Me anë të disa pankartave, fermerët i janë drejtuar këtij institucioni dhe kanë parashtruar kërkesat e tyre.
Ashtu si edhe më parë, fermëerët kanë kërkuar barazim të TVSH-vë për produktet bujqësore, rimbursim nga qeveria për çdo litër qumësht, faturë TVSH-je me çmim real nga pika e grumbullimit ditën e dorëzimit të produktit, naftë pa taksa për mjetet bujqësore, subvencionim për farërat, findanët dhe për produktet organike.
Kujtojmë se fermerët janë ngritur edhe më parë në protestë, ku më pas zhvilluan edhe një takim me ministren Kumbaro dhe Denaj, por që deri më tani qeveria dhe ministria nuk iu është përgjigjur kërkesave të tyre.
