Një mësuese e shkollës 9-vjeçare “Ramazan Jarani” në Tiranë ka denoncuar për emisionin “Stop” në Tv Klan se regjistri elektronik SMIP, që përdoret për vlerësimin e nxënësve të klasës 4B, ka pasur probleme dhe është bllokuar nga data 4 nëntor deri më 25 nëntor.
Ajo theksoi se kishte njoftuar drejtorin Ilirjan Kalemasi dhe nëndrejtoreshën Leonora, por problemi mbeti i pazgjidhur.
Në datën 27 nëntor, gazetarja e “Stop” takoi drejtorin Kalemasi, i cili kërkoi kohë për të dhënë një sqarim pasi ishte në një aktivitet.
Pas disa kontakteve të tjera, ai u shpreh se problemi mund të ishte shkaktuar nga një gabim në futjen e kodit nga mësuesja.
Sipas tij, pas ndërhyrjes së ekipit të “Stop”, sistemi është rregulluar menjëherë.
