Drejtori i Departamentit të Policisë Kriminale, Neritan Nallbati, mori pjesë në disa takime të rëndësishme në Washington DC me ftesë të Ambasadës së Shteteve të Bashkuara të Amerikës.
Fokusi i këtyre takimeve ishte forcimi i bashkëpunimit ndërmjet Policisë së Shtetit shqiptar dhe agjencive ligjzbatuese amerikane.
Një ndër prioritetet ishte trajnimi disa ditor i oficerëve shqiptarë të Njësisë së Informacionit të Pasagjerit, i cili u bë me kolegët amerikanë të Agjencisë Federale të Mbrojtes së Kufirit dhe Doganave (CBP) dhe me Qendrën Kombëtare të Shenjëstrimit (NTC).
Në këtë trajnim, oficerët shqiptarë përftuan eksperiencat më të mira të kolegëve amerikanë dhe u vendosën ura komunikimi për shkëmbimin e informacionit në kohë reale midis këtyre agjencive.
Gjithashtu, Drejtori i Policisë Kriminale Neritan Nallbati kreu disa takime të rëndësishme me:
– Drejtuesin e ICITAP, në selinë qendrore të Departamentit të Drejtesisë;
– Në Byronë për Luftën kundër Terrorizmit, në selinë qendrore të Departamentit të Shtetit;
– Në Drejtorinë e Byrosë Qendrore të Interpol Washington;
– Në Byronë Federale të Hetimeve (FBI).
Në këto takime të rëndësishme, u diskutuan sfidat e ardhshme të bashkëpunimit dypalësh në luftën kundër krimit të organizuar, terrorizmit dhe hetimeve konkrete të përbashkëta.
