Shefi Ekzekutiv i AstraZeneca Pascal Soriot tha se dozat përforcuese të vaksinës COVID mund të mos jenë të nevojshme për të gjithë në Britani dhe nxitimi në një shpërndarje mbarëkombëtare të dozave të treta rrezikon të grumbullojë presion shtesë mbi Shërbimin Shëndetësor Kombëtar (NHS).
E përditshmja britanike “The telegraph” raporton se Soriot është shprehur për prova klinike, para se të merret një vendim për dozën e tretë.
“Ne kemi nevojë për peshën e provave klinike të mbledhura nga përdorimi i botës reale para se të marrim një vendim të informuar për dozën e tretë”, tha Soriot për gazetën
Ai më tej tha se mobilizimi i NHS për një program përforcues që nuk është i nevojshëm do të shtonte potencialisht barrë të panevojshme në system gjatë muajve të dimrit.
Kujtojmë se doza përforcuese vaksinës së Covid-19 ka shkaktuar një debat të gjerë në të gjithë botën. Disa vende, ndër to Franca, kanë miratuaar tashmë përdorimin e një doze të tretë, ndërsa të tjera planifikojnë ta miratojnë së shpejti.
Organizata Botërore e Shëndetësisë ka dalë vazhdimisht hapur kundër përdorimit të dozës së tretë, duke vënë në dukje shpërndarjen e pabarabartë të vaksinave. Kjo pasi vendet më të pasura në botë kanë vaksinuar një pjesë të mirë të popullsisë, ndërkohë që vendet e varfra nuk kanë mundur të vaksinojnë as grupet e riskut.
