Seanca në Gjykatën e Posaçme për të pandehurit e dosjes “Metamorfoza” është shtyrë, pasi mungoi avokati i Edmond Prekës.
Seanca tjetër do të mbahet më 4 prill.
Në këtë çështje janë të pandehur biznesmeni Pëllumb Gjoka, ish-shefi i Operacionales, Oltion Bistri, dhe ish-drejtuesi i Prokurorisë së Kukësit, Xhevahir Lita.
Pëllumb Gjoka akuzohet për vrasjen e Gjin Ndojit në vitin 2020 dhe për bashkëpunim në dy vrasje të tjera. Xhevahir Lita dhe Oltion Bistri akuzohen për korrupsion dhe nxjerrje të sekretit.
Gjithashtu, të akuzuar janë Astmer Bilali, Behar Bajroviç, Edmond Preka dhe ish-oficeri i policisë, Ardit Hasanbegaj.
Ky grup u zbulua pas analizës së mesazheve të shkëmbyera në aplikacionet Encro Chat dhe SKY ECC.
